Celebrazione della S.Messa per la festa di Mons.Antonio Franco
il 2 Settembre 2011 alle ore 19:00pm. presso la parrocchia Madre dei Cristiani
L'Associazione Messinese di Montreal insieme ai fedeli della parrocchia Madre dei Cristiani
celebreranno con fervore il 385esimo anniversario della Sua ascesa alla gloria del cielo.
Preghiera:
Animuzza santa d'Antonio Francu, certu lu sacciu: siti in Paradisu. Lu vostru Corpu é distinatu a tantu; cintu di ferru purtavu un gran pisu.Amanti di Diu, quant'era giujva e pirdunava a cu 'l'avia offisu; tant'era la pinitenza chi facia chi lu Signuri lu chiamò di susu.
Di vennardi sù'na scala durmia,sparti chi di notti a Diu prigava; a li malati carità cci avia e spissu annàva mi li cunfurtava.
Supra tuttu sulu si cunducia, li ghiàj cu la lingua cci addicàva; Antoniu Francu Prilatu ardia e d'amuri divinu sisazziava.
Ha rudduciutu li pecuri erranti chiuttostu cu ducizza e non c'amàru! Cu pò diri lu spàsimu custanti di lu so cori puru e tantu caru?Unn'é Antoniu Francu e lu so zelu? Unni sunnu li so beni terreni? Tu eri 'n terra ma ora si 'ncelu, preghi Diu e in grazia sua cci manteni.
Chiàngiunu Guateri e Santa Lucia ch'hannu persu lu gran binifatturi: a la so Corti sempri cci dicia: Figghiòli non faciti quarch'arrùri.
E lo so pizzu di pilu caprinu, e la cammisa so era di lana; quantu nn,ha fattu stu Francu divinu pi disprizzari la pompa mundana,
tra lu so pettu purtava un amuri chi journu pi journu sempri criscia; di Casa Francu 'nni vinni un Pasturi e Magna Città fu Santa Lucia!
Tutti lu tinnitu comu Biàtu pi la so aspra vita chi facia: quannu di stu mundu fu passatu ogni zoppu strupiàtu vinia.
Cu era nettu di lu so piccatu cuntentu a la so casa s'innija: e tuttu é veru di lu so Tabbùtu chi lu Corpu serba cu' gilusia.
Lu so Corpu ghiajàtu fu truvatu di mulli facénni e afflizzioni; di splindùri ora sta addumàtu, cintu di gigli e binidizzioni.
Unn'é Antonio Francu? 'Nginucchiàtu a la prisenza di Nostru Signuri! Prega pi chiddi chi l'hannu chiamatu e cciù cuncedi Diu pi sò amuri.